النسخة الصينية من مرسيدس CLA الكهربائية الجديدة
مرسيدس بدأت فصل مختلف فعلاً داخل الصين مع إطلاق نسخة خاصة ومطوّلة من CLA الكهربائية، موجهة حصريًا للسوق الصيني تحت اسم CLA L. الشركة الألمانية عملت تكييف كامل للسيارة دي بمقاييس السوق المحلي في الصين، سواء في قاعدة العجلات الأطول، أو مستوى التقنيات الرقمية، وحتى نظام الذكاء الاصطناعي الداخلي اللي بيتم تطويره بالشراكة مع شركات تكنولوجية داخل الصين.
السيارة مبنية على منصة MMA الجديدة الخاصة بمرسيدس، واللي بتعتمد هيكلة كهربائية 800 فولت، وده يسمح بشحن أسرع وكفاءة أفضل على الطرق الطويلة. بحسب البيانات المنشورة في السوق الصيني، مدى السيارة على معيار CLTC يوصل تقريباً 866 كم في بعض الفئات. سعر النسخة في الصين بيبدأ من حوالي 249 ألف يوان، وده يعادل تقريباً حوالي 35 ألف دولار، وهو رقم أقل من المتوقع لسيارة لوجو مرسيدس كهربائية في الفئة دي.
النموذج ده في الأصل اتعمل للسوق الصيني فقط، لضمان حضور أقوى وسط المنافسة الشرسة اللي بتقودها شركات محلية زي NIO و BYD و Aion. ولو النمو ده نجح بالشكل المتوقع، الصين ممكن تكون سوق الاختبار الحقيقي لتطوير جيل CLA الكهربائي قبل التصدير لباقي العالم.
